Sturla Böðvarsson
sturla@sturla.is

Alþingi
563 0500

Fréttir:

Forseti Alþingis í opinberri heimsókn í Frakklandi, 9.-13. júní 2008

16. júní 2008

Sturla Böðvarsson, forseti Alþingis, og Hallgerður Gunnarsdóttir eiginkona hans voru í opinberri heimsókn í Frakklandi 9.-13. júní, í boði Georges Colombier, forseta vináttuhóps Frakklands og Íslands á franska þinginu.

 

Forseti Alþingis og formenn þingflokka með gestgjafa sínum, Georges Colombier. (smellið fyrir stærri útg.)

 

Með forseta í för voru formenn allra þingflokka, Arnbjörg Sveinsdóttir, Lúðvík Bergvinsson, Ögmundur Jónasson, Siv Friðleifsdóttir og Kristinn H. Gunnarsson, auk Vigdísar Jónsdóttur, aðstoðarskrifstofustjóra og Jörundar Kristjánssonar, alþjóðaritara á skrifstofu forseta Alþingis.  

 

Þriðjudaginn 10. júní átti forseti Alþingis og sendinefndin fund með Jean-Luis Borloo, umhverfisráðherra Frakklands,  og var m.a. rætt um áhrif loftlagsbreytinga og afleiðingar losunarkvóta á flugsamgöngur til og frá Íslandi. Þá ræddi forseti Alþingis framlag Íslendinga á sviði endurnýjanlegrar orku við franska umhverfisráðherrann. Einnig heimsótti íslenska sendinefndin franska þingið og fylgdist með umræðum og fyrirspurnum til ráðherra.

 

Forseti vináttuhóps Frakklands og Íslands, forseti Alþingis og forseti franska þingsins. (smellið fyrir stærri útg.)

 

Á miðvikudag sl. áttu forseti Alþingis og þingflokksformenn fund með vináttuhópi Frakklands og Íslands á franska þinginu. Umræðuefni fundarins voru m.a. staða efnahags- og umhverfismála auk varnarsamstarfs ríkjanna. Síðar sama dag átti forseti Alþingis fund með forseta neðri deildar franska þingsins, Bernard Accoyer. Ræddu forsetarnir vináttusamskipti þinganna, umhverfis- og orkumál o.fl.

Fimmtudaginn 12. júní heimsótti íslenska sendinefndin m.a. orkurannsóknarmiðstöð CEA í Grenoble, þar sem fram fara rannsóknir á umbreytingu raforku í vetnisorku, þróun og rannsóknir á varðveislu raforku í rafhlöðum fyrir rafbíla og báta. Um kvöldið hittu forseti Alþingis og þingflokksformenn fulltrúa íslenskra fyrirtækja og franskra fyrirtækja með tengsl við Ísland, í kvöldverði sem Tómas Ingi Olrich og Emmanuel Jaques, forseti fransk-íslenska verslunarráðsins stóðu fyrir.

Sendiherra Íslands í Frakklandi, forseti fransk-íslenska verslunarráðsins og forseti Alþingis. (smellið fyrir stærri útg.)

 

Lokadag heimsóknar, föstudaginn 13. júní, hitti íslenska sendinefndin fulltrúa franskra samgöngufyrirtækja, og í framhaldinu átti forseti Alþingis og þingflokksformenn fund með yfirmönnum ferðamála í Frakklandi.  Um kvöldið var haldinn hátíðar- og kveðjukvöldverður í franska þinginu.

 
 
Efni hvers mánaðar
2012
janfebmaraprmaíjún
júlágúsepoktnóvdes
2011
janfebmaraprmaíjún
júlágúsepoktnóvdes
2010
janfebmaraprmaíjún
júlágúsepoktnóvdes
2009
janfebmaraprmaíjún
júlágúsepoktnóvdes
2008
janfebmaraprmaíjún
júlágúsepoktnóvdes
2007
janfebmaraprmaíjún
júlágúsepoktnóvdes
2006
janfebmaraprmaíjún
júlágúsepoktnóvdes
2005
janfebmaraprmaíjún
júlágúsepoktnóvdes
2004
janfebmaraprmaíjún
júlágúsepoktnóvdes
2003
janfebmaraprmaíjún
júlágúsepoktnóvdes
2002
janfebmaraprmaíjún
júlágúsepoktnóvdes
2001
janfebmaraprmaíjún
júlágúsepoktnóvdes
2000
janfebmaraprmaíjún
júlágúsepoktnóvdes
Áskrift að fréttum:
Smelltu hér