Ég vil þakka ritstjórum Vesturlands fyrir að gefa mér tækifæri til þess að setja nokkrar línur í blaðið sem kemur út á Sjómannadaginn. Vil ég nota tækifærið og senda sjómönnum bestu óskir í tilefni dagsins. Það má með sanni segja að það gefi á bátinn hjá okkur Íslendingum um þessar mundir. Það er því ríkari ástæða til þess en nokkru sinni fyrr að við tryggjum hagsmuni okkar inná við og útá við með því að treysta á  trúverðuga stefnu Sjálfstæðisflokkksins í málefnum þjóðarinnar.

Í  áttatíu ár hefur Sjáfstæðisflokkurinn  átt samleið með þjóðinni. Flokkurinn hefur  ekki skipt um kennitölu líkt og vinstri flokkarnir gerðu eftir að hugmyndafræðin sem þeir reistu allt sitt á hrundi til grunna með Sovétinu og Framsókn riðaði til falls með SÍS.

Ríkisstjórn Samfylkingar og VG, sem kennir sig við norræna velferð, hefur kynnt þjóðinni  samstarfsyfirlýsingu sem stjórnin hyggst vinna eftir. Þar kennir margra grasa. Flest er þar óljóst eins og við var að búast. Gefin eru stóryrt fyrirheit, m.a. stefnt  að ,,varanlegri velferð”, eins og segir í yfirskrift eins kaflans. Fróðlegt verður að fylgjast með efndum og útfærslu á því sem er kallað varanleg velferð. 

Ágætu samherjar, samstarfsmenn og aðrir íbúar Norðvesturkjördæmis. Nú er komið að starfslokum mínum sem alþingismanns. Ég hef átt því láni að fagna að vinna með mörgu góðu fólki, hvaðanæva úr kjördæminu. Sú samvinna hefur reynst farsæl. Ég er þakklátur fyrir að mér hafi verið treyst fyrir málefnum kjördæmisins og vil þakka öllum þeim fjölmörgu sem unnið hafa með mér, bæði innan Sjálfstæðisflokksins sem og öðrum, fyrir gott samstarf.

Samfylkingin er mikilli vörn um þessar mundir. Hún stendur þannig að málum á vettvangi ríkisstjórnar að allt er komið í óefni og vinnubrögðin öll með ólíkindum.  Jóhanna Sigurðardóttir, forsætisráherra, virðist vera að missa tökin á sínu fólki sem og Vinstri grænum sem fara sínu fram og gera lítið úr verkstjórn Jóhönnu þegar við á.  Steingrímur J. er eins og sögupersónan Jón sterki í Skuggasveini . Hann talar og talar en minna fer fyrir vitrænu verklagi.  Það þekkja þeir sem með honum hafa unnið í þinginu. Samstarf Samfylkingar við Vinstri græna virðist vera farin að skapa ólgu, óvissu  og óróleika vegna ólíkra skoðana á mikilsverðum málum.  

Sturla Böðvarsson birti þessa grein á vefritinu Pressunni 9. apríl sl.