Sturla Böðvarsson, samgönguráðherra, opnaði síðastliðinn miðvikudag nýjan veg um Búlandshöfða á Snæfellsnesi. Viðstaddir opnunina voru vegamálastjóri, Helgi Hallgrímsson, auk sveitarstjórnarmanna af Snæfellsnesi og annarra gesta, þ.á.m. samgönguráðherra Mongólíu sem var staddur hér á landi í heimsókn.

Samgönguráðherrar Íslands og Grænlands, Sturla Böðvarsson og Simon Olsen, undirrituðu nýverið samstarfssamning milli landanna á sviði ferðamála. Tilgangur samningsins, sem kallast SAMIK, er að auka ferðalög á milli Íslands og Grænlands.