Samgönguráðherra skrifaði flugmálastjóra bréf þann 5. apríl. sl. Í því bréfi sagði að tryggja beri að öryggi í flugi sé ávallt sambærilegt við það sem best gerist. Þá eru í bréfinu tilgreindar ráðstafanir sem ráðuneytið felur Flugmálastjórn að grípa til í tilefni af flugslysinu í Skerjafirði 7. ágúst 2000. Bréf ráðherra og svarbréf flugmálastjóra fara hér á eftir.

Samgönguráðherra, í samráði við ráðherranefnd um einkavæðingu, hefur ákveðið að sala hlutabréfa ríkisins í Landssíma Íslands hf. hefjist í haust.

Samgönguráðuneytið hefur átt árangursríkt samstarf við Slysavarnafélagið Landsbjörgu og forvera þess. Slysavarnafélagið Landsbjörg hefur gegnt veigamiklu hlutverki í öryggismálum sjómanna með framkvæmd á tilkynningarskyldu íslenskra skipa, rekstri Slysavarnaskóla sjómanna og björgunarmiðstöðvum og með starfsemi björgunarbáta víða um land.

Eitt af því sem vinstri menn hafa sett hvað eftir annað fram að undanförnu í umræðunni um einkavæðingu Landssíma Íslands hf. er að það sé á einhvern hátt borgaryfirvöldum í Reykjavík að þakka að samkeppni sé til staðar á íslenskum fjarskiptamarkaði. Í þessu sambandi nægir að nefna þingmanninn Kristján L. Möller og forseta borgarstjórnar Helga Hjörvar.

Eftir langar og strangar umræður á Alþingi var samþykkt seint í gærkvöld frumvarp samgönguráðherra um heimild ríkissjóðs til að selja Landssíma Íslands. Þar með er stigið stórt skref í langstærstu einkavæðingu ríkisins til þessa. Línurnar í þessu máli á milli stjórnmálaflokkanna voru frekar skýrar. Enginn ágreiningur var meðal stjórnarliða um að selja fyrirtækið í einu lagi, eða &quotmeð manni og mús“ eins og einn þingmanna komst að orði í ræðu sinni. Samfylkingin vildi skilja frá fyrirtækinu grunnnet þess og selja afganginn, en Vinstri Grænir voru alfarið á móti sölu fyrirtækisins.Atkvæði á Alþingi féllu þannig að lokum: 32 sögu já, 6 sögu nei, 14 greiddu ekki atkvæði og 11 þingmenn voru fjarstaddir.