Forseti Íslands, hr. Ólafur Ragnar Grímsson, sæmdi Sturlu Böðvarsson, forseta Alþingis, stórriddarakrossi hinnar íslensku fálkaorðu fyrir störf í opinbera þágu.  Athöfnin fór fram á Bessastöðum að viðstaddri fjölskyldu forseta Alþingis, formanni og ritara orðunefndar þann 30. nóvember sl.

Frumvarpið felur í sér tímabærar breytingar á þingsköpum Alþingis og er markmið þess að færa starfshætti Alþingis til nútímalegra forms, líkt því sem tíðkast í flestum nágrannalöndum okkar

Forseti Alþingis mælti fyrir frumvarpi til laga um breytingu á lögum um þingsköp Alþingis sem hann flutti ásamt formönnum þingflokks sjálfstæðismanna, Samfylkingar, þingflokks framsóknarmanna og þingflokks frjálslyndra og er ræðan birt hér í heild.

Forseti Alþingis, Sturla Böðvarsson, flutti ávarp í kvöldverðarboði sem forseti Íslands hélt til heiðurs Alþingi 1. des. sl. Forseti Íslands býður alþingismönnum árlega til kvöldverðar á fullveldisdeginum til að leggja áherslu á það mikilvæga hlutverk sem Alþingi gegndi í  í baráttunni fyrir fullveldi landsins. Texti ræðunnar er birtur hér í heild.

Forseti Alþingis, Sturla Böðvarsson, sótti í dag fund norrænna þingforseta sem haldinn er í tengslum við Norðurlandaráðsþing í Ósló.