Einar Oddur Kristjánsson var fæddur 26. desember 1942. Hann lést 14. júlí 2007. Minningarathöfn var haldin í Hallgrímskirkju í Reykjavík 25. júlí en útför 28. júlí frá Flateyrarkirkju.

Sturla Böðvarsson forseti Alþingis, Hallgerður Gunnarsdóttir og Alex Fergusson forseti skoska þingsins. Forseti Alþingis, Sturla Böðvarsson, var ásamt eiginkonu sinni, Hallgerði Gunnarsdóttur, viðstaddur setningu skoska þingsins í Edinborg laugardaginn 30. júní.

Forseti Alþingis, Sturla Böðvarsson, var ásamt eiginkonu sinni Hallgerði Gunnarsdóttur, gestur við þingsetningu á eyjunni Mön 5. júlí. Þinghaldið á Mön fer fram undir berum himni og er kennt við Tynwald eða Þingvelli á eynni. Athöfnin er árlegur viðburður á þjóðhátíðardegi Manar og á rætur sínar að rekja aftur til víkingaaldar.

Sturla Böðvarsson, forseti Alþingis, tók á móti sendinefnd frá tékkneska þinginu í Alþingishúsinu 18. júní 2007. Sendinefndin var stödd hér á landi til að kynna sér heilbrigðismál og átti m.a. fund með heilbrigðisnefnd Alþingis. 

Forseti Alþingis, Sturla Böðvarsson, tók í dag á móti Nicholas Burns aðstoðarutanríkis-ráðherra Bandaríkjanna í Alþingishúsinu. Forseti Alþingis ávarpaði Burns í þingsal og gekk með honum um þinghúsið. Burns ritaði síðan nafn sitt í gestabók Alþingis. Bandaríski aðstoðarutanríkis-ráðherrann er staddur hér á landi til viðræðna við Ingibjörgu Sólrúnu Gísladóttur utanríkisráðherra um tvíhliða samstarf þjóðanna í öryggis- og varnarmálum.