asdfasdf 

Samstaða, áhugahópur um slysalausa sýn í umferðinni, afhenti í gær Sturlu Böðvarssyni, fyrrverandi samgönguráðherra, fyrstu heiðursverðlaun samtakanna fyrir framlag hans til umferðaröryggismála. Um leið færði Sturla nýjum samgönguráðherra, Kristjáni L. Möller, kefli fyrir hönd Samstöðu til merkis um að halda áfram starfi samgönguyfirvalda að fækkun umferðarslysa.

Sturla Böðvarsson, forseti Alþingis, og fyrsti þingmaður Norðvesturkjördæmis boðaði þingmenn kjördæmisins til fundar í morgun um málefni Vestfjarða sérstaklega. Til fundarins kom einnig formaður Vestfjarðarnefndar ríkisstjórnarinnar Halldór Árnason skrifstofustjóri í forsætisráðuneytinu. Fyrir fundinum lá greinargerð frá Aðalsteini Óskarssyni framkvæmdastjóra Fjórðungssambands Vestfjarða um stöðu atvinnumála í fjórðungnum.

Vegamót eru framundan hjá mér. Þær breytingar verða nú að ég læt af embætti samgönguráðherra eftir átta ára starf á vettvangi þessa umfangsmikla málaflokks. Nýtt verkefni tekur við, að gerast forseti Alþingis, og þykist ég vita að það verður áhugavert og krefjandi verkefni.
 

Sturla Böðvarsson samgöngu-ráðherra og Magnús Stefánsson félagsmála-ráðherra, sem báðir eru þingmenn Norðvestur-kjördæmis, áttu með sér fund í félagsmálaráðuneytinu í morgun þar sem þeir fóru meðal annars yfir stöðu atvinnumála á Vestfjörðum sem verið hafa í brennidepli undanfarið.
Á fundi sínum fjölluðu þeir sérstaklega um atvinnuástandið á Flateyri í ljósi þess að fiskiðjufyrirtækið Kambur hefur ákveðið að hætta starfsemi sinni. Fundurinn var einnig liður í að undirbúa fyrirhugaðan fund með öllum þingmönnum Norðvesturkjördæmis um stöðuna. Einnig ræddu ráðherrarnir ýmis önnur málefni kjördæmisins