Í samantekt á verkefnum samgönguráðuneytisins á yfirstandandi kjörtímabili er getið um helstu fjárframlög, mál sem unnin hafa verið á hverju sviði samgöngumála og drepið á nokkrum verkefnum sem framundan eru. Til framkvæmda og uppbyggingar í samgöngukerfinu samkvæmt samgönguáætlun, sem unnið var eftir, runnu alls kringum 55 milljarðar króna á kjörtímabilinu.
Engin truflun á framkvæmdum í samgöngumálum næstu árin
Samgönguáætlanir fyrir árin 2007 til 2010 og 2007 til 2018 voru til umfjöllunar á síðustu starfsdögum Alþingis. Fjögurra ára áætlunin var samþykkt en tólf ára áætlunin var ekki afgreidd eins og gerðist með nokkur önnur frumvörp ríkisstjórnarinnar.
Íslenskur bás er nú í fyrsta sinn á árlegri kaupstefnu og ráðstefnu um siglingar skemmtiferðaskipa um höfin sjö sem nú stendur í Miami í Flórída í Bandaríkjunum. Alls höfðu erlend skemmtiferðaskip viðkomur 185 sinnum í íslenskum höfnum í fyrra.
Umhverfismál eru mikið í umræðunni um þessar mundir svo sem eðlilegt er. Stjórnmálamenn á vinstri vængnum vilja eigna sér umhverfis-málin. Þar eru á ferðinni þeir sem áður hölluðu sér þétt upp að kommunum í Sovétríkjunum sem voru mestu umhverfissóðar Evrópu eins og komið hefur í ljós eftir að múrinn féll. Ástæða er til að minna á að lögin um mat á umhverfisáhrifum voru sett 1993 þegar fyrsta ríkisstjórn Davíðs Oddsonar var við völd og lögin um umhverfismat áætlana voru sett árið 2006. Vinstri grænir komu þar hvergi nærri.
Að síðustu hafa frambjóðendur hist reglulega til að undirbúa kosninga-baráttuna sem er framundan. Liður í undirbúningnum er að sjálfsögðu hefðbundin myndataka og frekari undirbúningur ýmisskonar. Um helgina hittist hópurinn þar sem eftirfarnadi myndir voru teknar við myndatökur.
