Laugardaginn 20. janúar hittist framboðslisti sjálfstæðisflokksins í NV-kjördæmi á kröftugum undirbúningsfundi á Akranesi. Fundurinn var haldinn í Safnaskálanum þar sem farið var yfir stöðu mála og lagður grunnur að mótun kosningabaráttunnar í vor. Ljóst var á stemningunni í hópnum að þar fer kröftugur hópur sem tilbúinn er að leggja dag við nótt við vinnu í þágu kjördæmisins.  

Frá fundi um tengingar Íslands við umheiminn

Engar bylgjur ekkert samband var yfirskrift fundar sem Skýrslutæknifélag Ísland (Ský) stóð fyrir í hádeginu í dag. Var þar meðal annars rætt um nýjan sæstreng, áhrif sambandsrofa í millilandasamskiptum, hagsmuni fjármálageirans og fleira. Fundinn sóttu liðlega 70 manns. 

Sturla Böðvarsson heimsótti fyrirtækið Arctic Trucks í Reykjavík nýverið. Fyrirtækið er bæði sölu- og framleiðslufyrirtæki, það sérhæfir sig í þjónustu við jeppaeigendur með sölu á jeppum og fylgihlutum og annast breytingar og upphækkanir. Einnig býður Arctic Trucks uppá námskeið fyrir jeppaeigendur í meðferð jeppa og ferðamennsku.
 

Sturla Böðvarsson tók þátt í að steypa fyrstu steypuna í mót að grunni Ráðstefnu og tónlistarhúss. Fjöldi gesta var á svæðinu þrátt fyrir að kalt væri í veðri.

Myndirnar tala sínu máli.
Myndir frá athöfninni
Sjá myndskeið á mbl.is
http://www.mbl.is/mm/frettir/frett.html?nid=1246865 

Farskiptasjóður og Síminn hf. skrifuðu í dag, 12. janúar, undir samkomulag um að Síminn taki að sér verkefni við uppbyggingu GSM-farsímanetsins. Þrjú tilboð bárust í lokuðu útboði að undangengnu forvali, tvö frá Símanum hf., annað uppá 598 milljónir króna og frávikstilboð uppá 535 milljónir, og eitt frá Og fjarskiptum ehf. uppá 669 milljónir.