Starfshópur sem samgönguráðherra skipaði til að gera tillögu um innleiðingu stafræns sjónvarps á Íslandi hefur skilað tillögum sínum. Meginniðurstaða starfshópsins er að stjórnvöld hafi forgöngu um stofnun sameiginlegs dreifingarfyrirtækis aðila á sjónvarpsmarkaði þar sem allir aðilar hefðu jafnan aðgang að dreifingu myndefnis.

Samgönguráðherra, Sturla Böðvarsson, setti Ferðatorg 2003 föstudaginn 2. maí s.l. í Smáralind í Kópavogi. Við sama tækifæri afhenti ráðherrann Ferðamálasamtökum Íslands styrk til markaðsátaks innanlands á þessu ári. Styrkurinn nemur alls 16 milljónum króna eða
2 milljónum á hver landshlutasamtök.

Samgönguráðherra, Sturla Böðvarsson og Bergur Þorgeirsson, forstöðumaður Snorrastofu hafa undirritað samkomulag um að Snorrastofa geri sérstakan menningarvef ferðaþjónustunnar. Samkomulagið er til komið vegna samstarfs iðnaðarráðuneytis og samgönguráðuneytis um eflingu ferðaþjónustu á landsbyggðinni sem hluta af byggðaáætlun.

Lesendum heimasíðunnar er bent á að reglulega eru settar inn myndir í „Myndaalbúmið“. Að undaförnu hafa verið að bætast við myndir á undirsíðurnar „Kosningabaráttan“ og „Aðrar myndir“. Síðast voru settar inn myndir í tilefni af dagskrá sem var við Hraunfossa og af opnun kosningaskrifstofu sjálfstæðismanna í Stykkishólmi.

Í gær var fjölbreytt dagskrá um ferðamál við Hraunfossa í tilefni af því að umhverfið þar í kring hefur tekið stakkaskiptum með nýju bílastæði og göngustígum, svo eitthvað sé nefnt. Meðal þess sem var á dagskrá var að Sturla Böðvarsson afhjúpaði upplýsingaskilti um Hraunfossa.