Í morgun, föstudaginn 14. júní, var undirritað samkomulag um ferðaátakið „Ísland – sækjum það heim“ en það mun standa yfir í allt sumar. Það voru Sturla Böðvarsson, samgönguráðherra og Einar K. Guðfinnsson, formaður Ferðamálaráðs, ásamt forsvarsmönnum Olíufélagsins ESSO, Íslandspósts og Ríkisútvarpsins sem undirrituðu samkomulagið en það gerir ráð fyrir alls 50 milljónum króna til kynningar á ferðamöguleikum Íslendinga í eigin landi. Meginuppistaða átaksins er ferðaþátturinn Hvernig sem viðrar, sem sýndur verður vikulega fram eftir sumri. Einnig verður sérstakur póstkortaleikur í gangi og verða vinningshafar dregnir út á Rás 2 í allt sumar. Í haust verður síðan dregið úr öllum póstkortum og eru veglegir vinningar í boði.Undirritunin fór fram á markaðstorgi Fjörukrárinnar í blíðskaparveðri. Í ávarpi samgönguráðherra gerði hann að umtalsefni þær tekjur sem innlendir ferðamenn leggja til þjóðarbúsins en þær munu vera um 12 milljarðar króna á ári. Lagði hann áherslu á að aðilar í ferðaþjónustu, sveitarfélög og einkaaðilar, nýttu sér kynningarátakið og „leiki nú sóknarleik“ enda skuli hér spilað til vinnings í öllum skilningi.

Samgönguráðherrar Evrópuríkjanna hafa með sér reglulegt samstarf, sem haldið er utan um af samtökum þeirra, European Conference of Ministers of Transport (ECMT). Samtökin reka skrifstofu í París í höfuðstöðvum OECD. Samgönguráðherrar Bandaríkjanna, Kanada, Japan, Maracco, Mexíco og Kóreu hafa setið fundi ECMT og átt aðild að samþykktum þeirra. EMCT hélt nýverið árlegan fund sinn, og var hann haldinn í Búkarest í Rúmenínu. Samgönguráðherra, Sturla Böðvarsson sótti fundinn.

Fyrr í kvöld lenti á Egilsstaðaflugvelli þota þýska flugfélagsins LTU´. Þar með er hafinn nýr kafli í samgöngusögu þjóðarinnar, er hafið er reglubundið áætlunarflugvöll á þennan flugvöll. Samgönguráðherra tók á móti vélinni og flutti ávarp við það tækifæri.

Samgönguráðherra er nú staddur í Búkarest í Rúmeníu, en þar er nú haldinn árlegur fundur samgönguráðherra í Evrópu. Á fundinum mun Sturla Böðvarsson gera grein fyrir samræmdri samgönguáætlun sem nú er unnið að hér á landi.

Samgönguráðherra skipaði fyrr á þessu ári starfshóp til þess að fara yfir gildandi verklagsreglur vegna Sjálfvirka Tilkynningakerfisins (STK) og gera tillögur um úrbætur.