Gestir hér á vef samgönguráðherra hafa tekið eftir því að lítil hreyfing hefur verið á vefnum að undanförnu. Ýmislegt liggur þar að baki, miklar annir í öðru, sem vissulega er ekki réttlætanleg afsökun, en einnig ýmsar breytingar, eins og fastagestir taka væntanlega eftir. Þeir sem hingað til hafa heimsótt vefinn á vesturland.is/sturla ættu að temja sér héðan í frá að fara á sturla.is …

Eins og skýrt hefur verið frá í fjölmiðlum afgreiddi Alþingi rétt fyrir frestun þingfunda vegáætlun 2000-2004. Verið er að vinna gögn vegna þessa fyrir vefinn og verða þau sett hér inn von bráðar. Sjá nánar: yfirlit um aukin framlög til vegaáætlunar.

Ráðherra opnaði formlega fyrr í dag sjálfvirka tilkynningakerfið fyrir íslenska skipaflotann, en kerfi þetta kemur í stað hinnar hefðbundnu tilkynningarskyldu skipa.

Í gær, fimmtudag, gekkst samgönguráðuneytið ásamt Vegagerðinni og Flugmálastjórn fyrir ráðstefnu um almenningssamgöngur. Ráðstefnan var haldin á Hótel Borgarnesi og sóttu hana hátt í hundrað manns.

Ráðherra opnaði í dag sýninguna "Íslenskt handverk og ferðaþjónusta". Sýningin er í Laugardalshöll og eru sýnendur alls staðar að af landinu, en einnig frá Grænlandi og Færeyjum. Við opnun sýningarinnar flutti ráðherra ræðu sem fer hér á eftir.