Á blaðamannafundi í morgun kynnti samgönguráðherra leiðbeiningarit Landssambands hestamannafélaga og Vegagerðarinnar um gerð og uppbyggingu reiðvega. Ekki hafa fyrr verið teknar saman svo ítarlegar upplýsingar um gerð reiðvega á einum stað.

Á blaðamannafundi í morgun kynnti Sturla niðurstöður nefndar um öflun viðbótarfjár til reiðvega. Skjöldur Stefánsson í Búðardal var formaður nefndarinnar. Tillögur hennar fara hér á eftir.

Sturla hélt almennan fund um samgöngumál í Ólafsvík s.l. mánudagskvöld og í Búðardal í gærkvöld, þriðjudagskvöld. Báðir voru fundirnir vel sóttir, málefnalegir og urðu líflegar og skemmtilegar umræður að loknu framsöguerindi Sturlu. Vissulega var helst rætt um samgöngumál, í víðasta skilningi þess, en þó ekki síður um sjávarútvegsmál – sérstaklega í Ólafsvík.

Sturla Böðvarsson samgönguráðherra verður með opinn fund um samgöngumál á Hótel Ólafsvík í kvöld kl. 20:00 og annað kvöld á sama tíma í Dalabúð, Búðardal.

Síðastliðinn föstudag var skrifað undir samning um byggingu Fáskrúðsfjarðarganga. Um er að ræða verulega samgöngubót sem stytta mun Suðurfjarðaveg um Austfirði um 34 km. Jafnframt er öryggi vegfarenda aukið til muna. Ljóst er að samgöngur á Suðurfjarðavegi milli Reyðarfjarðar og Fáskrúðsfjarðar munu batna verulega með betri, breiðari og öruggari vegi.