Samgönguráðherra var við opnun Höfuðborgarstofu í nýuppgerðu Geysishúsi síðdegis í gær, föstudag. Þar var jafnframt verið að opna Upplýsingamiðstöð ferðamála í Reykjavík, en gerður hefur verið samningur milli Höfuðborgarstofu og Ferðamálaráðs um rekstur hennar sem ráðherra og borgarstjóri staðfestu sín á milli með handabandi. Jafnframt staðfestu þeir sín á milli samning Ferðamálaráðs og Höfuðborgarstofu um markaðs- og kynningarmál. Með þessum tveimur samningum er treyst samvinna á sviði ferðamála.

Samgönguráðherra er á Vestfjörðum í dag. Þegar hefur hann heimsótt Rörtækni á Ísafirði og Flugmálastjórn á Ísafjarðarflugvelli, en hann á m.a. eftir að fara á Flateyri og ræða við starfsmenn fiskvinnslunnar Kambs. Í kvöld verður ráðherra með opinn fund um samgöngumál í Félagsheimilinu á Patreksfirði kl. 20:00.

Sjálfstæðismenn í Norðvesturkjördæmi verða með fund í kvöld og annað kvöld í fundarröðinni „Í framsætinu“.  Í kvöld kl. 20:00 verður fundur á Hótel Ísafirði þar sem Sturla Böðvarsson verður með framsögu, síðan verður boðið upp á almennar umræður og mun ráðherra ásamt  frambjóðandanum Einari K. Guðfinnssyni sitja fyrir svörum. Annað kvöld á sama tíma verður haldinn fundur í Félagsheimilinu á Patreksfirði.

Samgönguráðherra var í Skagafirði í gær. Hann heimsótti m.a. Vegagerðina á Sauðárkróki og ávarpaði málþing um ferðaþjónustu á Hólum í Hjaltadal. Um kvöldið héldu Sjálfstæðismenn í Norðvesturkjördæmi fund um samgöngumál á Sauðárkróki þar sem ráðherra var með framsöguerindi. Að því loknu svaraði hann ásamt Einari Guðfinnssyni og Adolf Berndsen fyrirspurnum fundarmanna, sem voru af ýmsum toga.

Sjálfstæðismenn í Norðvesturkjördæmi bjóða til fundar um samgöngumál undir yfirskriftinni „Í framsætinu“ á Kaffi Krók á Sauðárkróki í kvöld, mánudagskvöld, klukkan 20.00