Sturla Böðvarsson samgönguráðherra flutti í gær ávarp í áramótaboði Flugmálastjórnar Íslands. Var það haldið í tilefni af því að nú um áramótin breytist skipulag flugmála. Ráðherra lagði áherslu á að þær væru gerðar til að tryggja sem best allt umhverfi fyrir öfluga flugstarfsemi á öllum sviðum og ekki síst framtíðarhagsmuni starfsmanna.
Ísland hefur gerst formlegur aðili að undirbúningi á vegum Evrópusambandsins að því að koma á sjálfvirkri hringingu úr bílum eftir neyðarhjálp ef til slyss kemur. Sturla Böðvarsson samgönguráðherra undirritaði í gær í Brussel viljayfirlýsingu ESB um málið en nokkur aðildarríki ESB og samstarfsríki hafa undirritað slíka yfirlýsingu.
Alþingi hefur að tillögu Sturlu Böðvarssonar samgönguráðherra samþykkt sérstaka fjárveitingu í fjáraukalögum til umferðaröryggisaðgerða á Suðurlandsvegi og Vesturlandsvegi. Af því tilefni var í dag haldinn fundur í samgönguráðuneytinu um umferðaröryggismál og framkvæmdir og voru málin voru rædd frá ýmsum hliðum.
Björgvin G. Sigurðsson hóf máls á tvöföldun Suðurlandsvegar í fyrirspurnartíma á Alþingi í dag. Hann spurði Sturlu Böðvarsson, samgönguráðherra hvort einkaframkvæmd kæmi til greina við tvöföldun Suðurlandsvegar sem hann telur eitt stærsta hagsmunamál samfélagsins í dag.
Í síðustu viku birtist á vef Bæjarins besta pistill frá Kristni H. Gunnarssyni þingmanni þar sem hann furðar sig á forgangsröðun verkefna í nýju frumvarpi ríkisstjórnarinnar. Þar er til að mynda lagt til að fresta framkvæmdum við vegabætur á Vestfjörðum.
