Það var fyrir séð að prófkjör sjálfstæðismanna á NV-landi yrði sögulegt, ekki síst vegna þess að þar sátu fyrir á fleti fimm öflugir þingmenn, sem allir sóttust stíft eftir a.m.k. einu af þremur efstu sætunum, sem líklega verður að telja örugg þingsæti.

Á fundi Norrænu ráðherranefndarinnar í Osló fyrir stuttu var fjallað um stefnumörkun norðurlandaþjóðanna á sviði upplýsingatækni, og þá helst um útbreiðslu breiðbands. Á fundinum gerði ég grein fyrir stöðu mála hér á landi og þeirri stefnu sem ég hef fylgt sem ráðherra fjarskiptamála, það er að tryggja örugg, ódýr og aðgengileg fjarskipti fyrir alla.

Nú líður að prófkjöri Sjálfstæðismanna í Norðvesturkjördæmi. Þá munu kjósendur í kjördæminu velja þá sem leiða munu lista flokksins í komandi Alþingiskosningum. Í dag eru tveir öflugir menn í forystu fyrir flokkinn á Vesturlandi, þeir Sturla Böðvarsson, samgönguráðherra og Guðjón Guðmundsson, alþingismaður.

Undanfarin 5 ár hef ég starfað að sveitarstjórnamálum í Borgarbyggð. Gott samstarf þingmanna og sveitarstjórnarmanna er gríðarlega mikilvægt. Síðustu 4 ár hefur Sturla Böðvarsson verið fyrsti þingmaður Vesturlands.

Ég lenti í samræðum við erlendan tækniráðgjafa, sem hefur starfað hér á landi undanfarin sjö ár, þegar umræddur aðili dvaldi á Gistiheimilinu Brekkubæ síðastliðið sumar. Hann sagði meðal annars að mestu vandamálin í samstarfi við íslenska aðila væri hversu skammsýnir þeir væru og hversu erfitt væri að fá þá til að gera sér áætlun langt fram í tímann.